મુખ્ય સમાચાર
મારું શહેર
વીણેલા મોતી
સતર્ક મિત્રમ
આરોગ્ય મિત્રમ
સમાજ મિત્રમ
શિક્ષણ મિત્રમ
ખેલ મિત્રમ
રાશી નક્ષત્ર
ધર્મ-યાત્રા-પ્રવાસ
વિક્રમ સંવંત 2079, મહા સુદ (12) બારસ.
ચૂંટણીમાં આપેલા નિવેદન પર પરેશ રાવલની મુશ્કેલી વધી છે. કોલકાતા પોલીસ સામે હાઈકોર્ટમાં થયેલી અરજીમાં આજે સુનાવણી થશે. ગુજરાત વિધાનસભાની ચૂંટણી પૂરી થયાને એક મહિના જેટલો સમય થઈ ગયો છે, પરંતુ બોલિવૂડ અભિનેતા અને ભાજપના ભૂતપૂર્વ સાંસદ પરેશ રાવલનું ચૂંટણી નિવેદનને લઈને વિવાદ સામે આવ્યો હતો. પરેશ રાવલે કોલકાતામાં નોંધાયેલી એફઆઈઆર અને નિવેદન અંગે પોલીસના સમન્સ સામે હાઈકોર્ટનું સરણ લીધું છે. ગુજરાત વિધાનસભા ચૂંટણી દરમિયાન પરેશ રાવલે નિવેદન આપ્યું હતું. નિવેદન વાયરલ થયા બાદ સીપીએમ નેતાએ ફરિયાદ નોંધાવી હતી. આ પછી કોલકાતા પોલીસે FIR નોંધી હતી.કોલકાતા પોલીસના સમન્સ સામે પરેશ રાવલે હાઈકોર્ટનું શરણ લીધું હતું. પરેશ રાવલે કલકત્તા હાઈકોર્ટનો સંપર્ક કર્યો છે. કોલકાતા હાઈકોર્ટના જસ્ટીસે આજે ગુરુવારે પરેશ રાવલની અરજી પર સુનાવણી કરશે. જો રાવલને કોર્ટમાંથી રાહત નહીં મળે તો તેમણે કોલકાતા પોલીસ સમક્ષ હાજર થવું પડી શકે છે
ગુજરાત વિધાનસભાની ચૂંટણીમાં નિવેદનનો આ હતો સમગ્ર મામલો
પરેશ રાવલે ગુજરાત વિધાનસભાની ચૂંટણી વખતે વલસાડમાં એક રેલીમાં કહ્યું હતું કે ગેસ સિલિન્ડર મોંઘા છે, તેના ભાવ ઘટશે, લોકોને રોજગારી પણ મળશે પરંતુ જ્યારે રોહિંગ્યા પ્રવાસીઓ અને બાંગ્લાદેશીઓ આવવા લાગશે ત્યારે તમે શું કરશો. શું તમને દિલ્હી ગમે છે? તમે ગેસ સિલિન્ડરનું શું કરશો? બંગાળીઓ માટે માછલી રાંધવા? આ નિવેદન બાદ કોલકાતા પોલીસે પરેશ રાવલ વિરુદ્ધ IPC ની વિવિધ કલમો હેઠળ કેસ નોંધ્યો હતો.
