મુખ્ય સમાચાર
મારું શહેર
વીણેલા મોતી
સતર્ક મિત્રમ
આરોગ્ય મિત્રમ
સમાજ મિત્રમ
શિક્ષણ મિત્રમ
ખેલ મિત્રમ
રાશી નક્ષત્ર
ધર્મ-યાત્રા-પ્રવાસ
વિક્રમ સંવત 2079, ફાગણ વદ આંઠમ ને બુધવાર.
⇒ આરોગ્ય મિત્રમ, સતર્ક મિત્રમ, સમાજ મિત્રમ, સુરત.
હોળી પછી રાજ્યમાં લોકો બેવડી ઋતુનો અનુભવ કરી રહ્યા છે. મંગળવારે પણ કેટલાક વિસ્તારમાં વાતાવરણમાં પલટો જોવા મળ્યો છે. દક્ષિણ ગુજરાતના કેટલાક વિસ્તારમાં કમોસમી વરસાદ પડ્યો હોવાની માહિતી મળી છે. જ્યારે આગામી દિવસોમાં પણ કેટલાક જિલ્લાઓમાં ગાજવીજ સાથે કમોસમી વરસાદ પડવાની આગાહી કરવામાં આવી છે. બેવડી ઋતુને કારણે રાજ્યમાં રોગચાળો પણ વકર્યો છે.
સુરતમાં પણ સવારે ઠંડી, બપોરે કાળઝાળ ગરમી અને રાતના સમયે ફરી ઠંડીનો લોકો અનુભવ કરી રહ્યા છે. આ બેવડી ઋતુના કારણે લોકોમાં રોગચાળો વકરી રહ્યો છે. સુરતની સિવિલ હોસ્પિટલમાં નવા વાયરસ H3N2ના કેસમાં વધારો થયો છે. મીડિયા અહેવાલ મુજબ, દૈનિક ધોરણે સિવિલમાં 100થી 150 H3N2ના કેસ નોંધાઈ રહ્યા છે. જ્યારે બીજી તરફ છેલ્લા 24 કલાકમાં શહેરમાં કોરોનાના વધુ નવા 4 કેસ નોંધાયા છે. કોરોનાના આ 4 દર્દીઓ પૈકી 3 આઇસોલેશનમાં છે. સુરતમાં કોરોના દર્દીઓની સંખ્યા 13 પર પહોંચી છે.
H3N2ના લક્ષણો બાદ 31 વર્ષીય મહિલાનું નિધન
સુરતના ડીંડોલી વિસ્તારમાં H3N2ના લક્ષણો બાદ 31 વર્ષીય મહિલાનું નિધન થયું છે. કફ, શરદી અને ખાંસીની તકલીફ બાદ મહિલાનું મોત નીપજ્યું હોવાની માહિતી મળી છે. મહિલાના મોત બાદ સુરત તંત્ર પણ હરકતમાં આવ્યું છે. તંત્ર દ્વારા લોકોને સરકારી ગાઇડલાઇનનું પાલન કરવા અને સાવચેત રહેવા સલાહ આપવામાં આવી છે. આ સાથે સરકારી હોસ્પિટલોમાં પણ દવાના સ્ટોક, વોર્ડમાં વધારો સહિતના મહત્ત્વની કાર્યવાહી કરવામાં આવી રહી છે.
